Detyrat Kryesore

1. Përgjegjësi i sektorit të shërbimeve të përgjithshme ka këto detyra dhe përgjegjësi:

a) Organizon dhe drejton punën nës ektor, programon ngarkesën e punës së sektorit në përgjithësi, përcakton detyrat dhe ndjek zbatimin e tyre sipas afateve përkatëse.
b) Në bashkëpunim me sektorët e tjerë kryen planifikimin e përvitshëm për bazë materiale, pajisje dhe shërbime të tjera të domosdoshme në përputhje me nevojat.
c) Merr masa për organizimin dhe kontrollin e punës për mirëmbajtjen e pajisjeve, orendive, ambjenteve,identifikimin e problemeve, defekteve apo pengesave në funksionimin ose përdorimin e tyre dhe angazhohet përzgjidhjen ose riparimin përfundimtar të tyre.
d) Informon në mënyrë periodike për kapacitetet që janë në eficensë.
e) Kontrollon respektimin e normativave të konsumit të lëndëve djegëse dhe materialeve të tjera ndihmëse nën administrimin e institucionit, referuar katalogëve teknik të prodhimit dhe standarteve të shfrytëzimit.
f) Në përputhje me programin vjetor të punës, përgatit programet mujore në nivel sektori dhe drejton punën për zbatimin rigoroz të tyre.
g) Vlerëson ecurinë dhe rezultatet vjetore të punonjësve në varësi, në përputhje me procedurat e aplikueshme.
h) Kryen detyra të tjera të caktuara nga titullari i institucionit, që nuk janë në kundërshtim me ligjet dhe nuk cënojnë dinjitetin e punonjësit.

Gjithashtu Përgjegjësi i Sektorit kryen dhe detyrat e Prokurimeve.
i) Përgatit regjistrin vjetor të parashikimeve të prokurimet publike, konform buxhetit të miratuar për investime, materiale dhe shërbime në përputhje me formën dhe mënyrën e parashikuar në udhëzimet e APP-së.
j) Harton dokumentacion përkatës të tenderit për procedurat e prokurimit përfshi edhe kriteret e kualifikimit si dhe bën shpalljen e tyre në faqen elektronike të APP-së;
k) Përditëson të dhënat në sistemin elektronik, për procedurat e prokurimit dhe përgatitjen e procedurës për KVO;
l) Realizon administrimin elektronik, në mënyrë periodike të procesit të prokurimit publik, nga shpallja e procedurës deri në arkivimin e saj;
m) Hedh on-line të gjithë materialet e procedurës së prokurimit;
n) Mban marrëdhënie periodike komunikimi, ditore-javore me Agjencinë e Prokurimit Publik;
o) Njofton në mënyrë elektronike dhe shkresore Agjencinë e Prokurimit Publik për fazën e publikimit, njoftimit të fituesit, lidhjes së kontratës dhe anulimeve përkatëse, sipas afateve të përcaktuara për secilën procedurë;
p) Siguron dhe harton specifikimet teknike/termat e referencës, merr pjesë në përllogaritjen e fondit për sasinë e mallrave, shërbimeve, punëve publike.
q) Merr pjesë në përllogaritjen e vlerës limit të kontratës sipas alternativave të parashikuara nga aktet ligjore dhe nënligjore në fuqi.
r) Hartimi i Urdhrave të Prokurimit, dokumenteve të Tenderit si dhe njoftimeve për publikim në Buletin në APP.
s) Zhvillimi i procedurave me Vlerë të Vogël, praktikave dhe korrespodencave të ndryshme që kanë lidhje funksionale me Njësinë e Prokurimit.
t) Harton kontratën dhe njofton subjektin për nënshkrimin e saj;
u) Monitoron zbatimin e kontratës sipas kërkesave të përcaktuara në dokumentet e tenderit dhe legjislacionin në fuqi.
v) Asiston në mbledhjet e KVO-së dhe jep mendim si dhe bën interpretim ligjor për dokumentet e tenderit, atëherë kur i kërkohet nga KVO;
w) Ndjek dhe zbaton ndryshimet ligjore dhe nënligjore që kanë të bëjnë me fushën e Prokurimit Publik.
x) Mban përgjegjësi për zbatimin më përpikmëri të të gjitha udhëzimeve të Agjensisë së Prokurimit Publik, në lidhje me prokurimet me vlerë të vogël.
y) Punon për rritjen dhe kualifikimin e tij profesional në mënyrë të vazhdueshme dhe sistematike, duke synuar sjelljen e risive në punën e tij/saj të përditshme;
z) Kryen detyra të tjera të caktuara nga titullari i institucionit, që nuk janë në kundërshtim me ligjet dhe nuk cenojnë dinjitetin e punonjësit